दोलखा। जिल्लाको बैतेश्वर गाउँपालिकाबाट मानसिक सन्तुलन गुमाएका एक युवकको उद्दार गरिएको छ। 

मङ्गलबार गाउँपालिकाको वडा नम्बर ८ बाट अन्दाजी २०/ २५ वर्षको पर्शुराम बस्नेत नाम बताउने युवकलाई उद्धार गरिएको हो । सामाजिक अभियन्ता राजन बस्नेतको नेतृत्वमा उद्धार गरी उनलाई मानसिक उपचारका लागि मानव सेवा आश्रम भक्तपुर लगिएको छ ।

उनलाई जिल्ला प्रशासन कार्यालय दोलखा , जिल्ला प्रहरी कार्यालय दोलखा तथा मैनापोखरी प्रहरी चौकी, वडा अध्यक्ष शान्ता जिरेल तथा समाजका अगुवा व्यक्तिहरुको सहयोगमा उद्दार गरिएको थियो।