काठमाडौं। जल तथा मौसम विज्ञान विभागले आगामी तीन दिन भारी वर्षा हुने सम्भावना रहेको भन्दै सर्वसाधारणलाई उच्च सतर्कता अपनाउन आग्रह गरेको छ । 

विभागको मौसम पूर्वानुमान महाशाखाले असार १८ देखि २० गतेसम्म विशेषगरी बाढी, पहिरो र डुबानको जोखिम रहेको जनाएको छ ।

वर्षाका कारण नदी, खोलानाला र पहाडी भेगमा बग्ने पानीको बहाव बढेर दैनिक जनजीवनमा समेत असर पर्न सक्ने भएकाले जोखिमयुक्त स्थान, खोलानाला तथा तटीय क्षेत्रमा नजान अनुरोध समेत गरेको छ।